معدات النجاة من بعد الثانوية العامة ~

  

---

مســاء الخير / صبــاح النوور .. 

السلام عليكم   وكل من بيقرى الأيميل  .. 
 .. 


اول شي .. عندكم الـ 
SAT
اللي هو سبب لي عقدة غير طبيعيه .. 
ومعظم البنات يجيبونه من ثاني مره 
لان اول مره تكون محاوله مثل مايقولون .. 
فـ اللي عليج تسوينه انج تدخلين هالموقع وتسوين لج اكاونت 
http://www.collegeboard.com/student/testing/sat/reg.html

شوفي وين مكتوب 
Register now
هوسي عليه .. وبدال ماتسوين ساين إن 
سوي ساين أب .. 
وبعدين اختاري المواعيد وكل شي .. 
بس لما يجي مكان تختارين الامتحان 
اختاري
SAT Reasoning Test
لان في نوعين .. :)
اما اذا تبين حق جامعة كورنيل .. اظن ان سات تو .. لان بيكون طريقته حدها غير وفيها مواد ثانيه 
مثل الكيميا والتاريخ والاشيا هاذي .. 

خلصنا من الساات .. 
نروح للـ 
ACT 
هاي للي حابه تسويه بدال السات
بنات واجد يستصعبون السات فـ يروحون للـ أي سي تي 
وانا بالنسبه لي كان السات بالرااااحه اسهل .. 
عندج هاي الموقع .. 
http://www.actstudent.org/
ونفس الطريقه تسوين اكاونت وتسجلين .. 



خلصنا من المااث .. 

نروح للتوووفل .. 

https://toefl-registration.ets.org/TOEFLWeb/extISERLogonPrompt.do

سوي لج اكاونت وين مكتوب 
New user .. 
وبيمشي حاالج ..


اما بالنسبة للـ آيلتز .. فالتسجيل يكون في البرتش كاونسل 
بس اذا حابه تعرفين التواريخ وو انواع الامتحانات 
فـ هذا اللنك فيه التواريخ 
وطبعاً هاي الامتحان اللي يتسوى في فندق رمادا 
غير عن اللي في نورث أتلانتك .. 

http://www.britishcouncil.org/me-qatar-ielts.htm


انتي اذا بتجين تسجلين .. 
بتختارين Academic 
لانج تبينه للجامعه 

اما الـ General
هذا حق اللي يبونه للشغل او ان حق وظيفه وجي .. 
شوفي التاريخ واتصلي للبرتش كاونسل وتأكدي اذا في لج مكان 
4251888

وبالمره بدال ماتروحين هناك وتعبين الابلكيشن .. 
في اللنك اللي عطيتج في مكتوب
download the IELTS application form. 
نزلي الفايل 
وعبيه ووديه مره وحده .. ولاتنسين الصوور .. 

ولازم حضور الطالب شخصياً 
وسعره 800 ريال .. 



اما بالنسبة للإمتحانات اللي فوق اللي بالنت تسجيلها 
وكلها تكون الدفع بالبطاقه .. 
وعشان الضمان وجي 
خلي ابوج او امج يسوون لج بطاقه خاصه فيها حوول الـ 1000 ريال 
واسمها E-Card
عشان تدفعين للامتحانات وانتي متطمنه  
مع ان المواقع مضمونه ميه ميه 



الحين اكيد في بعضكم ماتعرف على طريقه الامتحانات
وفي وده يعرف شلون ويتدرب .. ؟؟

انا اقولج ان الامتحانات هاي يبيلها دراسه مثل امتحانات المدرسه بالضبط !! 
يعني لاتقولين بروح وبتذكر .. لالا .. ماينفع !! 
لازم تدرسين وتحفظين قوانين الرياضيات 
  وكل القوانين اللي تحسينها مهمه (arithmetic sequence and geometric) 
  عشان صج ماتتوهقين وبسرعه تفتكين من الامتحانات 



السـات .. 

والله يابنات انا شريت هاي الأونلاين كووورس 
لكن شنو !! مفييييييييد واجد واجد 
وجبت الدرجه اللي ابيها .. وفووق بعد :)
فيه مليون ألف درس لدروس الرياضيات اللي كلناااا نسيناها عدل عدل !! 
وفيه امتحانات من نفس المنظمة مالت السات يعني اقل شي اقل شي سؤالين بيجونج مثلهم بأرقامهم 
واسألوا مجرب 
ولازم تتدربين وتسوين جو الامتحان وتسكرين على نفسج وتحطين منبه ولما يخلص الوقت تهدين كل شي وتمشين عشان صج صج تعيشين الجو << طريقتي اللي سويتها 

هاي الكورس اشتريه عالأققققل قبل الامتحان بشهر ! عالأقل 
عشان صج صج تطلعين فايدته 
وبعد يصير ان مثلاً وحده تشتريه وتعطي ربعها الامتحانات والدروس .. يعني تتشاركون 

هاي اللنك .. 
https://satonlinecourse.collegeboard.com/SR/loginAction.do
اسم الكورس 
The Official SAT online course. 



اما الـ ACT
فـ فالموقع نفسه فيه امتحانات تدريب ومجاناً .. 
http://www.actstudent.org/testprep/index.html
في كورسات مجاناً وفي كورسات بفلوس .. 
اخذي اللي يريحج 
بس اللي مجاناً انا استفدت منهم واجد :) 



التوووفل .. 
والله بيني وبينكم انا قدمته مرتين .. 
وبدون دراسه .. 
لان أولردي ماكان عاجبني الامتحان 
بس جبت السكور اللي ابيه 
بس بعد سفهت للامتحان 
ومشيت عالآيلز .. 



الحين الآيلز 
هاي الموقع صج صج مفييد .. 
http://www.englishonline.org.cn/en/learners/ielts-preparation/mock-papers/
والله بالضضضضضبط نفس الامتحاااان !! 
بالضبط بالضبط !! 
يعني لاااا تتعبين نفسج وتجبين مدرس او مدرسه عشان تدرسج 
اعتمدي على نفسج وتدربي على هالأمتحانات اللي اقل مايقال عنها ، رووعه ! 
حتى السبيكنق .. تكلمني .. عشان صج تكونين متعوده 
tip: the first question they ask is (describe the city you live in) .. and they always and always ask it
so prepare your answer .. 



اني وااايز !! 
تكلمت واجد 

والله ييوفقكم في امتحانات المدرسه والمجلس الاعلى والجامعه 
وكل وحده تدخل بالجامعه اللي تتمناها .. 

واتمنى انكم تعدون لأختكم في ظهر غييب .. 




الخريجه / وضحـى العجمي 
(Adoodi)

كل الشكر للغالية  , أميمة على هالإيميل المفيد ...