بناء على طلب الأغلبية راح اعيد ارسله مرة ثانية للجميع ~
السلام عليكم ورحمة الله وبركاته ~
عزيزاتي طالبات الثاني والأول ثانوي الف الف مبروك على النجاح
هذا الإيميل اللي وعدتكم ابعثه لكم وآسفة على التأخير
هذا اللإيميل راح أسميه الوصفة السحرية للتفوق والنجاح ~
بأذن الله راح توصلونه
الخطوة الأولى : الأنتهاء من صداع الجامعات وطلباتها
من سات وتوفل وآيلتز
هذا الإيميل وصلني فيه كل المعلومات اللي تحتاجونها لأمتحانات القبول
نصيحتي لكم تقدمووونه الحي الحين فالصيف عشان تخففون الحمل عليكم السنة الجاية وتهتمون بس في درجاتكم ومستواكم ~
اول شي .. عندكم الـ
SAT
اللي اهو رياضيات وانجليزي بس طبعاً بأمكانج تجيبين صفر في الأنجليزي وما تحلين فيه شيء عادي ما في مشكلة لأنه الجامعه س بيشوفون درجات الماث
فـ اللي عليج تسوينه انج تدخلين هالموقع وتسوين لج اكاونت
http://www.collegeboard.com/student/testing/sat/reg.html
شوفي وين مكتوب
Register now
هوسي عليه .. وبدال ماتسوين ساين إن
سوي ساين أب ..
وبعدين اختاري المواعيد وكل شي ..
بس لما يجي مكان تختارين الامتحان
اختاري
SAT Reasoning Test
لان في نوعين .. :)
اما اذا تبين حق جامعة كورنيل .. اظن ان سات تو .. لان بيكون طريقته حدها غير وفيها مواد ثانيه
مثل الكيميا والتاريخ والاشيا هاذي ..
خلصنا من الساات ..
نروح للـ
ACT
هاي للي حابه تسويه بدال السات
بنات واجد يستصعبون السات فـ يروحون للـ أي سي تي
وانا بالنسبه لي كان السات بالرااااحه اسهل ..
عندج هاي الموقع ..
http://www.actstudent.org/
ونفس الطريقه تسوين اكاونت وتسجلين ..
خلصنا من المااث ..
نروح للتوووفل ..
اللي الكل الحين اتوقع سفه له وراح للآيلتز لانه بالرااااااحه اسهل بمليووون ..
https://toefl-registration.ets.org/TOEFLWeb/extISERLogonPrompt.do
سوي لج اكاونت وين مكتوب
New user ..
وبيمشي حاالج ..
اما بالنسبة للـ آيلتز .. فالتسجيل يكون في البرتش كاونسل
بس اذا حابه تعرفين التواريخ وو انواع الامتحانات
فـ هذا اللنك فيه التواريخ
وطبعاً هاي الامتحان اللي يتسوى في فندق رمادا
غير عن اللي في نورث أتلانتك ..
http://www.britishcouncil.org/me-qatar-ielts.htm
انتي اذا بتجين تسجلين ..
بتختارين Academic
لانج تبينه للجامعه
اما الـ General
هذا حق اللي يبونه للشغل او ان حق وظيفه وجي ..
شوفي التاريخ واتصلي للبرتش كاونسل وتأكدي اذا في لج مكان
4251888
وبالمره بدال ماتروحين هناك وتعبين الابلكيشن ..
في اللنك اللي عطيتج في مكتوب
download the IELTS application form.
نزلي الفايل
وعبيه ووديه مره وحده .. ولاتنسين الصوور ..
وسعره 800 ريال ..
اما بالنسبة للإمتحانات اللي فوق اللي بالنت تسجيلها
وكلها تكون الدفع بالبطاقه ..
وعشان الضمان وجي
خلي ابوج او امج يسوون لج بطاقه خاصه فيها حوول الـ 1000 ريال
واسمها E-Card
عشان تدفعين للامتحانات وانتي متطمنه
مع ان المواقع مضمونه ميه ميه
الحين اكيد في بعضكم ماتعرف على طريقه الامتحانات
وفي وده يعرف شلون ويتدرب ..
انا اقولج ان الامتحانات هاي يبيلها دراسه مثل امتحانات المدرسه بالضبط !!
يعني لاتقولين بروح وبتذكر .. لالا .. ماينفع !!
لازم تدرسين وتحفظين قوانين الرياضيات
وكل القوانين اللي تحسينها مهمه (arithmetic sequence and geometric)
عشان صج ماتتوهقين وبسرعه تفتكين من الامتحانات
السـات ..
والله يابنات انا شريت هاي الأونلاين كووورس
لكن شنو !! مفييييييييد واجد واجد
وجبت الدرجه اللي ابيها .. وفووق بعد :)
فيه مليون ألف درس لدروس الرياضيات اللي كلناااا نسيناها عدل عدل !!
وفيه امتحانات من نفس المنظمة مالت السات يعني اقل شي اقل شي سؤالين بيجونج مثلهم بأرقامهم
واسألوا مجرب
ولازم تتدربين وتسوين جو الامتحان وتسكرين على نفسج وتحطين منبه ولما يخلص الوقت تهدين كل شي وتمشين عشان صج صج تعيشين الجو << طريقتي اللي سويتها
هاي الكورس اشتريه عالأققققل قبل الامتحان بشهر ! عالأقل
عشان صج صج تطلعين فايدته
وبعد يصير ان مثلاً وحده تشتريه وتعطي ربعها الامتحانات والدروس .. يعني تتشاركون
هاي اللنك ..
https://satonlinecourse.collegeboard.com/SR/loginAction.do
اسم الكورس
The Official SAT online course.
اما الـ ACT
فـ فالموقع نفسه فيه امتحانات تدريب ومجاناً ..
http://www.actstudent.org/testprep/index.html
في كورسات مجاناً وفي كورسات بفلوس ..
اخذي اللي يريحج
بس اللي مجاناً انا استفدت منهم واجد :)
التوووفل ..
والله بيني وبينكم انا قدمته مرتين ..
وبدون دراسه ..
لان أولردي ماكان عاجبني الامتحان
بس جبت السكور اللي ابيه
بس بعد سفهت للامتحان
ومشيت عالآيلز ..
الحين الآيلز
هاي الموقع صج صج مفييد ..
http://www.englishonline.org.cn/en/learners/ielts-preparation/mock-papers/
والله بالضضضضضبط نفس الامتحاااان !!
بالضبط بالضبط !!
يعني لاااا تتعبين نفسج وتجبين مدرس او مدرسه عشان تدرسج
اعتمدي على نفسج وتدربي على هالأمتحانات اللي اقل مايقال عنها ، رووعه !
حتى السبيكنق .. تكلمني .. عشان صج تكونين متعوده
tip: the first question they ask is (describe the city you live in) .. and they always and always ask it
so prepare your answer ..
واتمنى انكم تدعون لأختكم في ظهر غييب ..
الخريجه / وضحـى العجمي
-------------------
نرجع لقصة التفوق والتحضير للنسبة
بداية الحلو في امتحانات المستقلة انه المعايير والمنهج تقدرين تسوينه بنفسج
وانا بقول لكم طريقتي واتمنى تعجبكم ~
انا وفي غيري بنات كثير درسنا في الأجازة الصيفية اللي قبل المدرسة
نزلنا المعايير من الموقع التالي
http://www.education.gov.qa/section/sec/education_institute/cso/cstandard/csm
بس قبلها لازم تحددين مع المدرسة انتي حابة تدرسين متقدم وتأسيس في أي مادة ~
ومن ثم ~ ابتدي اعزلي نفسج تدريجياً من الفيس بوك والتويتر والمسنجر من الإجازة
ودخلي نفسج جو الدراسة وصدقيني راح يكون سهل عليج وااايد انج تتفوقين وتنجحين وتدرسين
طبعاً انتي عقب عندج المعيار بأمكانج تدخلين اليوتيوب او اي موقع في الدنيا وتلاقين فيه اللي يفيدج
سوي لج دفتر خاص في كل مادة وحطي فيه معلوماتج الخاصة عن كل معيار
واستمري جي طول الصيف ~ وفي رمضان خففي العبأ وخليها مراجعات لدروس السنة الماضية وصدقوني انه وايد وايد اشياء بتنعاد عليج من ثاني وأول ثانوي ~
وقريباً راح ابعث لج خطة النجاح اثناء الدوام الدراسي
وبحط في مدونتي خطط دراسة ان شاء الله ~
وعساكم تذوقون طعم النجاح مثل ما ذقناه ~
-اختكم ~ إيمان الشمري
http://farooosha11.blogspot.com/
